مايكل سامي يكتب : دردشة مسائية

مايكل سامي يكتب : دردشة مسائية
----------------------------------------------
لا تستعجل الله ... فهو أدري بما ينفعك اكثر منك
لا تقل لماذا يا الله ... لأنه سيرسل لك الاجابه في وقتها
لا تخاصم الله .. لانك لم تجد احد يخاف عليك اكثر منه
...
عندما تجد الدنيا سوداء امامك ولا تستطيع ان تنظر من كثرة الظلام
اطلب من الله ان يضئ لك شمعه بسيطة حتي تمكنك السير في الظلام
حتي تأتي حكمته كامله وتضئ لك حياتك باكملها

حد فيكم سمع عن المعجزة اللي بتحكي ان كان فيه ست عجوزة الجاموسة بتاعتها اتسرقت ومكنتش لاقياها ودورت عليها في كل مكان ومش لقيتها

الست دي كانت بتحب البابا كيرلس اوي وبتتشفع بيه وطلبت منه انه يجبهالها
فات يوم والتاني والتالت والرابع لحد مافات اسبوع والجاموسه مجتش
راحت قالتله شكرا ياسيدنا انا هطلب من مارجرجس ابو حصان هيجبهالي اسرع منك

وفعلا طلبت من مارجرجس وبعدها بساعه الجاموسة جت

ومن كتر عتاب المحبة اللي عاتبته العجوزة دي قدام صورة البابا كيرلس
كانت بتقوله يعني انت شفيعي مش خدمتني ومارجرجس هو اللي يجبهالي

من كتر ايمانها وكلامها الجميل البابا كيرلس ظهر ليها وقالها
صدقيني الجاموسة كانت في محافظة تانيه بعيده عنك خالص
ويوم مطلبتيني انا رحت اجيبها وجاي بيها ماشي علي رجلي
فات يوم والتاني والتالت لحد ماوصلت قريتك بعد اسبوع
وانا علي مدخل القرية لقيت مارجرجس بيقولي عنك ياكيرلس العجوزة طلبتني خلاص
وراح خدها مني علي الباب وجبهالك .. لو كنتي صبرتي ساعه تانيه كنت انا اللي هدخلك بيها

----------------

لو ربنا خد منك حاجه واستنيت معونته ومش بانت في اول يوم او تاني يوم او تالت يوم
اصبر
اصبر اسبوع اتنين شهر شهرين

جايز لما تبعد عنه وتخاصمة تكون معونته خلاص قربت من بابك

لا تستعجل الرب الهك

---------------------------

بجد موضوع جميل جدا ميرسى مودى على الموضوع الجميل جدا ربنا يعوضك

» أتريد الهجرة ؟؟ بقلم / مايكل سامي